فقہ کسے کہتے ہیں؟ \ فقہ کی لغوی اور اصطلاحی تعریف کیا ہے؟

فِقَہ کے لُغَوِی معنی :- 

یہ فَقُهَ سے ماخوذ ہے ، اس کا مطلب ہے کسی چیز کو جاننا ، سمجھنا

اصل میں فقہ دِقَّةُ الْفَهْمِ کو کہا جاتا ہے ، یعنی بات کرنے والے کے مقصد کو باریکی اور گہرائی سے سمجھنا ۔

جس طرح حضرت شعیب علیہ السلام کی قوم نے ان سے کہا کہ :  قَالُوا۟ یَـٰشُعَیۡبُ مَا نَفۡقَهُ كَثِیرࣰا مِّمَّا تَقُولُ

[سُورَةُ هُودٍ: ٩١]

اے شعیب ہم تمہاری اکثر باتوں کو گہرائی سے سمجھ نہیں سکتے ۔

جبکہ وہ انہی۔ کی زُبان میں بات کرتے تھے ، اس کے باوجود ان کی قوم نے یہی کہا کہ ہمیں سمجھ نہیں آتی ، یعنی تمہاری باتوں کی تہہ اور گہرائی تک نہیں پہنچ سکتے ۔

اصطلاحی تعریف:-

الْعِلْمُ بِالْأَحْكامِ الشَّرِيْعَةِ الْعَمَلِيَّةِ الْمُكْتَسَبَةِ مِنْ أَدِلَّتِها التَّفْصِيْلِيَةِ

مذکورہ بالا تعریف کا مندرجہ مطلب اچھے طریقے سمجھا جا سکتا ہے۔

عاقل ، بالغ شخص دنیا میں رہتے ہوئے جو بھی کام سر انجام دیتا ہے ، اس کے کام کا شریعت میں کیا حکم ہے ، اس حکم کو پہچاننا علم فقہ کہلاتا ہے۔

مثلا : انسان عقد ، بیع ، نکاح کرتا ہے ، نماز ، روزہ ، حج ، زکات ادا کرتا ہے یا دیگر امور سر انجام دیتا ہے، ان سب کا شریعت کیا حکم دیتی ہے ؟ جائز ہے یا ناجائز ہے، حلال ہے  یا حرام ہے ، انہیں کا حکم معلوم کرنا ۔